ბიუგელი

 ბიუგელის პროთეზი წარმოადგენს, მოსახსნელი ნაწილობრივი პროთეზის ალტერნატივას და გამოიყენება იმ შემთხვევებში როდესაც ვერ ხერხდება კბილთა მწკრივების აღდგენა ხიდისებრი კონსტრუქციით (საყრდენების არ ქონის ან ხიდის არაეფექტურობის გამო, კბილთა დიდი რაოდენობით დაკარგვის დროს). ძირითადად გამოიყენება იმ შემთხვევაში როდესაც ვერ ვახერხებთ იმპლანტაციას და გვჭირდება საღეჭი კბილების აღდგენა ორივე მხარეს.

 მკურნალობის გეგმიდან გამომდინარე არსებობს ბიუგელის ფიქსაციის სამი ვარიანტი. 

პირველი კლამერების საშუალებით, ამ ტიპის სამაგრები პროთეზის ბაზისიდან (ხელოვნური კბილების) გამოდის და საკუთარ კბილებს ორი მხრიდან ედება. ასეთი მიმაგრება შესაძლებელია ჩანდეს მეტყველების დროს.

მეორე არის მიკრო საკეტები (ატაჩმენები). ამ ტიპის სამაგრებისთვის საჭიროა საკუთარ კბილებზე მეტალო-კერამიკული გვირგვინების დამზადება. გვირგვინებსა და ბიუგელის ბაზის შორის მზადდება ატაჩმენები. ფიქსაციის თავისებურებიდან გამომდინარე ნაკლებად შესამჩნევია და მყარი კლამერებთან მიმართებაში.

მესამე ტიპის ფიქსაცია ხორციელდება ტელესკოპური გვირგვინების საშუალებით. ასეთი ფიქსაციის დროს, საკუთარ კბილებზე მზადდება, მეტალის ცილინდრის ფორმის "გვირგვინები", რომლებიც ბიუგელის ხელოვნური კბილების ბაზისის ქვემოთ თავსდება. გამოირჩევა მაღალი სიმყარით წინა მორბედებთან შედარებით და შეუმჩნეველს ხდის პროთეზს ფართო ღიმილის შემთხვევაშიც კი.

მზადდება რამდენიმე ვიზიტში, ხდება საყრდენი კბილების დამუშავება მკურნალობა, აუცილებლობის შემთხვევაში და ანაბეჭდების მომზადება, ინდივიდუალური პარამეტრებით. მოდელის დამზადების შემდგომ მორგება და კორექცია თუ საჭიროებს. შემდგომ ფიქსაცია პირის ღრუში.

 ბიუგელის უპირატესობას წარმოადგენს ზედა ყბაზე სასის ნაწილის არ არსებობა, რაც აადვილებს მის მოხმარებას და გემოვნურ თვისებებს. ასევე გადაცემს ღეჭვით დატვირთვას შესაბამის უბნებს პირის ღრუში რაც ძვლოვანი სისტემის დეფორმაციებისგან იცავს პაციენტს. ესთეტიური თვალსაზრისით სრულიად აღადგენს კბილთა მწკრივებს და აუმჯობესებს კბილების დაკარგვით გამოწვეულ სახის მეორედ ცვლილებებს.

მოსახსნელი პროთეზები

 

კბილთა მწკრივების პროთეზირება, მოსახსნელი პროთეზებით ხორციელდება კბილთა სრული ან დიდი რაოდენობით დაკარგვის დროს. ამ დროს ირღვევა კვების ფუნქცია, რომელმაც შესაძლებელია გამოიწვიოს მომნელებელი ორგანოების დაავადებები. ამავ დროულად ირღვევა სახის ესთეტიკა, იცვლება სახის ქვედა მესამედის ფორმები, ტუჩის კუთხეები ჩამოდის ქვემოთ და სახეს ეძლევა სიბერის გამომეტყველება. იცვლება ბგერების ჟღერადობა.

 გამომდინარე ზემოთ ჩამოთვლილისა აუცილებელია კბილთა მწკრივების აღდგენა დროულად, რაც მეტი დროა გასული მით უფრო რთულდება პროთეზირება. არასწორად განაწილებული კვებითი დატვირთვის დროს, ყბის ძვლები განიცდის ატროფიას (განლევას).

 ამ ტიპის პროთეზები ორნაირია აკრილის. არის მკვრივი და საჭიროებს მიჩვევისთვის მეტ დროს, განსხვავებით ვოლპლასტის პროთეზებისა (ნეილონის იგივე რბილი). ნეილონის პროთეზები სწრაფად აღადგენს ღეჭვით და მეტყველების ფუნქციებს. იგი განსხვავებით აკრილისა რბილია და ელასტიური. მეტად კომფორტულია ლორწოვანთან შეხებისას და ნაკლებად ხასიათდება ცალკეული უბნების გაღიზიანებით და მოჭყლეტვით.

კბილის კერამიკული ჩანართები

კბილის კერამიკული ჩანართები, წარმოადგენს ბჟენის ("პლომბის") ეფექტურ ალტერნატივას. იგი მზადდება სტომატოლოგიური სატექნიკო ლაბორატორიაში პაციენტის ინდივიდუალური მახასიათებლებით. მას გააჩნია მაღალი სიმყარე რის შედეგადაც გვაძლევს საშუალებას შევინარჩუნოთ კბილის მთლიანობა ორთოპედიული გვირგვინების გვერდის ავლით.

 მის ერთ-ერთ უპირატესობას წარმოადგენს დამზადდეს კბილის ქსოვილის პრეპარირების (დაქლიბვის) გარეშე, მხოლოდ კარიესით დაზიანებული ქსოვილის მოშორებით. გააჩნია მაღალი სიმტკიცე, უძლებს ღეჭვით დატვირთვას (390 კგ < ) და არ განიცდის დეფორმაციებს დატვირთვის დროს, განსხვავებით მსგავს მკურნალობაში გამოყენებული მასალებისა. არ იცვლის ფერს და ფორმას. აქვს მეტად ჰიგიენური თვისებები ბაქტერიებისა და პიგმენტური საკვების მიმართ.

 კბილის კერამიკული ჩანართები მზადდება ორ ვიზიტში. პირველზე ხდება დაზიანებული ქსოვილის მომზადება ჩანართისთვის და ანაბეჭდის აღება, ურთიერთ საწინააღმდეგო კბილებიდან, ზუსტი რელიეფის გადმოსაცემად. შემდგომ ვიზიტზე ფიქსირდება მუდმივი საადგეზიო სისტემით.

 ასეთი მკურნალობის უპირატესობას გარდა ზემოთ აღნიშნულისა წარმოადგენს საპირისპირო კბილების ზუსტი და სწორი შეთანასოვნება. იგი ხდება პროფილაქტიკური გამოსავალი იმ პირებისთვის, რომლებსაც გააჩნიათ ქვედა ყბის სახსრის პრობლემები, გამოწვეული თანკბილვის სიმაღლის დაქვეითებით. კბილების გენერალიზებული ცვეთის დროს.
 

ცირკონო-კერამიკული გვირგვინი

ცირკონის დიოქსიდზე დატანილი ფაიფურის მასები წარმოადგენს თანამედროვე ალტერნატივას მეტალო-კერამიკული გვირგვინებისა. 

მარცხნივ მეტალო-კერამიკული გვირგვინი.
მარჯვნივ ცირკონო-კერამიკული

 იგი თავისი მახასიათებლებით მაქსიმალურად ბიოთავსებადია  პირის ღრუს მფარავ ზედაპირთან, არის მსუბუქი და მტკიცე. მდგრადი სხვადასხვა განათებების მიმართ.

 ცირკონის დიოქსიდი ყველაზე მეტად უახლოვდება კბილის ქსოვილის მახასიათებლებს მსგავს კონსტრუქციებში. არის თეთრი ფერის ოდნავ გამჭვირვალე. გამოიყენება რიგორც ცალკეული გვირგვინების, ასევე ხიდისებრი კონსტრუქციების და ესთეტიური სამუშაოების დროს. თანამედროვე სტომატოლოგიაში წარმოადგენს საუკეთესო არჩევანს კბილთა მწკრივების აღსადგენად.

 ცირკონის დიოქსიდზე დაფუძნებული ბაზა არის ძალიან თხელი 0,5 მმ. კბილის მომზადება ასეთი კონსტრუქციისთვის არის მაქსიმალურად დამზოგველი და ატრავმული. არის ცუდი თბოგამტარი. ზემოთ აღნიშნული თვისებები გვაძლევს საშუალებას გამოვიყენოთ ინტაქტურ (ცოცხალ) კბილებზე ესთეტიკისა და მგრძნობელობის გამოსასწორებლად.

მეტალო-კერამიკული გვირგვინი

 წარმოადგენს კონსტრუქციას, მეტალის ბაზაზე დატანილ, საკუთრივ, კბილის ფერის ფაიფურს. გამოირჩევა სიმტკიცით მეტალის ელემენტის ხარჯზე. გამოიყენება როგორც ცალკეული გვირგვინების ასევე დიდი დეფექტების, ოთხი ერთეულის შესავსებად (მეტალის დრეკადობით ძალის შთანთქმის შედეგად). 

მარცხნივ მეტალო-კერამიკული გვირგვინი.
მარჯვნივ ცირკონო-კერამიკული

 უარყოფით მხარეს წარმოადგენს სხვადასხვა განათებების მიმართ ფერის ცვლილება. ასევე რიგ შემთხვევებში მეტალის იონიზაცია, რაც აისახება გემოს შეგრძნებებზე და ალერგიულ რეაქციებში იშვიათ შემთხვევაში.